Ir al contenido principal

PREVENCIÓN DE CONDUTAS ADICTIVAS



SESIÓNS DE SECUNDARIA
OBXECTIVOS
Dentro do Programa de Prevención de Condutas Adictivas na Educación Secundaria Obrigatoria aparecen diferentes obxectivos en torno aos que traballamos nas diferentes sesións e que facilitan o noso achegamento a problemática que abordamos.
  • Concienciar á mocidade do Concello de Pontevedra dos riscos provocados polo uso ou abuso de diferentes drogas e das novas tecnoloxías
  • Favorecer un uso responsable e consciente das novas tecnoloxías, evitando o uso inaxeitado.
Destes dous obxectivos xerais xorden outros secundarios que tamén temos presentes na nosa formación e noso discurso ao afrontar as sesións coa rapazada:
  • Facilitar información veraz acerca da natureza, efectos e perigos derivados do consumos de diferentes drogas e das TIC.
  • Diminuír os riscos asociados ao uso e abuso de diferentes drogas e as TIC.
  • Evitar, reducir ou, canto menos, atrasar a idade de inicio ao consumo de certas sustancias.
  • Traballar o espírito crítico e identificar a presión de grupo como factor fundamental na toma de decisións de cara ao consumo de drogas.
  • Dar información pura e dura sobre diferentes drogas e as consecuencias do seu consumo habitual.
  • Desmitificar crenzas e lendas urbanas sobre as drogas e o seu consumo.
  • Promover o espírito crítico sobre a problemática asociada ás TIC, favorecendo un espazo de reflexión sobre os fenómenos propios como o cyberbullying, sexting, grooming, sextorsión, etc,.

CONTIDOS
Están deseñados contidos específicos para cada curso, adaptados para as idades e os coñecementos que o alumnado ten en cada unha das etapas formativas.

1º ESO:
1ªsesión: uso/abuso/mal uso. Conduta adictiva. Droga.
2ªsesión: razóns para consumir. Mitos sobre o alcohol.
3ªsesión: uso/abuso/mal uso de internet.
4ªsesión: Acoso escolar.
2º ESO:
1ªsesión: conceptos básicos relacionados con condutas adictivas.
2ªsesión: O alcohol. Información.
3ªsesión: que tipo de información que transmitimos a través das redes sociais?.
4ªsesión: ciberbullying. Vítima, agresor, espectadores.


3º ESO:
1ªsesión: Información alcohol. Mitos.
2ªsesión: Información cannabis. Mitos.
3ªsesión: Debate crítico a través de imaxes de TIC/redes sociais.
4ªsesión: conceptos grooming, sexting, sextorsión, roubo de identidade, privacidade.


4º ESO:
1ª,2ª,3ª e 4ª sesión: Xogo de mesa por equipos para tratar de previr as condutas adictivas dun xeito lúdico. O alumnado debe superar probas como responder preguntas sobre condutas adictivas, adiviñar debuxos, tabú, mímica, ou colocar aos participantes ante situacións hipotéticas que deben resolver. Trátase de repasar todo o traballado en cursos anteriores.


Nos obradoiros séguese unha metodoloxía participativa a través de dinámicas grupais e con reforzos positivos



Este programa compleméntase con Programa de Prevención de Condutas adictivas a través do cine e o Programa de Familias educadoras.

Páxinas webs de interese:
  • Pantallas amigas. Por un uso seguro y saludable de internet, redes sociales, móviles y videojuegos. Por una ciudadanía digital responsable. https://www.pantallasamigas.net/
  • EU Kids Online España (grupo de investigación referente en el estudio de menores de edad y nuevos medios de comunicación).
https://www.ehu.eus/es/web/eukidsonline/aurkezpena


DESCARGAR PDF

Comentarios

Publicar un comentario

Entradas populares de este blog

Protocolo para a prevención e o control do absentismo escolar en Galicia

O absentismo escolar é un problema ao que os centros educativos teñen que facer fronte dun xeito directo e permanente, e é motivo de preocupación, tanto para a comunidade educativa como para a sociedade en xeral, por incidir directamente no exercicio do dereito fundamental á educación. O dereito e a obrigación de cursar a educación básica -educación primaria e educación secundaria obrigatoria- significa que, cando menos, todo o alumnado entre 6 e 16 anos debe estar escolarizado e, igualmente, asistir regularmente a clase. O control da asistencia a clase é unha función do profesorado, e cada centro educativo debe articular a forma de promover a asistencia a clase e o procedemento para controlar esa asistencia. O absentismo -definido no Decreto 229/2011, do 7 de decembro, polo que se regula a atención á diversidade do alumnado dos centros docentes da Comunidade Autónoma de Galicia nos que se imparten as ensinanzas establecidas na Lei orgánica 2/2006, do 3 de maio, de Educación-
Publicar un comentario
Leer más

Clases sen fume curso 2020/2021

https://www.sergas.es/Saude-publica/PCA-Clases-sen-fume   Programa de prevención do consumo de tabaco en escolares de 1º e 2º da ESO (12 a 14 anos de idade) É un  concurso educativo para a prevención do tabaquismo , dirixido a escolares de primeiro ciclo de ESO, é dicir de 12 a 14 anos, idade na que se dan os primeiros contactos co tabaco, tendo ás comunidades educativas como instrumento indispensable para a execución do proxecto. Baséase no  compromiso individual e colectivo  (de toda a aula) de non fumar durante alomenos 6 meses, reforza o carácter voluntario da decisión de non fumar, facilita a presión de grupo positiva xerada pola complicidade dun grupo de adolescentes e un adulto (titor/a), e reforza a confianza nun mesmo e nos demais, ao tempo que utiliza a recompensa - premio como incentivo. Este programa forma parte do  "Plan Proxecta"  da Consellería de Educación.   OBXECTIVO Evitar o inicio do consumo de tabaco nos mozos e mozas galegos.   DESENVOLVEMENTO DO PROGRAM
Publicar un comentario
Leer más